- La suno fajras; ruliĝas rozkoloro plastositela. - Knabo senmove vojaĝrakonton legas --- verda ombrejo. - Nubo post nubo vice super la maro, naskiĝis vento. - Sur sabla monto sablerojn mi aŭskultas --- nuboj starantaj. - Someraj herboj kreskas altaj, vian figuron mi perdis. - Someraj nuboj, kvietaj okuloj de blanka ĉevalo. - Mi staras antaŭ 800-jara arbego --- akva susuro. - Karesa tuŝo sur frunto de la kato --- mallonga nokto. - Urba sireno anoncas silentadon; cikadoj zumas. - La militfajron mi ne spertis; nerioj floras ripete. - La 15-a de aŭgusto al japanoj, al azianoj. - Sur herba kampo pezas bovo staranta. Jen nubaj alpoj. - Torenta sono. Sur monto silueta la Lakta Vojo. - Granatoj fruktas; en mia naskiĝdomo loĝas aliaj. - Rustintaj aŭtoj stakite kiel brikoj; herboj altkreskas. - Urĝa sireno en meznokto, maldormas la ruĝa luno. - Akvo disverŝita sur sportejan teron --- jen, odoro. - Hejmloko --- patrina mikspoto kun viando kaj terpomo. - Mi estu mi mem; mi estu mi mem; cikadoj zumas. - Aŭtuna frisko; bebo fermas fojfoje la okuletojn. - --- 2003.08.24