La usona durdiska fabrikisto Hitachi Global Storage Technologies anoncis, ke ĝi ekspedos 3,5-colan durdiskon kun la kapacito de 1 terabajto en la unua kvaronjaro de 2007. 1 terabajto (TB) estas la 40-a potenco de 2, t.e. ĉirkaŭ 1 duiliono da bajtoj, aŭ egalas al 1024 gigabajtoj (GB).
Finfine aperis terabajta durdisko! Antaŭ 10 jaroj, kiam oni uzis Vindozon 95, ni parolis pri terabajto kiel revo.
Aŭtoro: Vastalto
Stovo paneis
Estis malvarme hodiaŭ, ĉar paneis unu el du stovoj en mia laboreja ĉambro. La stovo bruligas kerosenon kaj elsendas varmigitan aeron per ventumilo. Ĝi aŭtomate ekbruligas kaj reguligas temperaturon per elektonika cirkvito. Ŝajnas, ke la elektronika cirkvito misfunkcias. Ho ve!
2007, ĉu plej varma jaro?
La brita meteologia oficejo proklamis la prognozon, ke 2007 estos la plej varma jaro super 1998, kiu estis la plej varma jaro en la lastaj ĉ. 50 jaroj. La kaŭzoj estos sunaj efikoj, elninjo (El Niño), koncentriĝo de forcejaj gasoj, kaj aliaj.
Mi persone bonvenigus pli varman vintron, sed ne pli varman someron.
Hajko de hodiaŭ
vintra sereno —
destinito je morto
vivon elĉizas
Novjara ornamaĵo
Jen estas novjara ornamaĵo ĉe la domo de mia patrino. Ŝi aĉetis ĝin kaj metis super la enirejo jam antaŭ ol la jarfina tago.
Novjara ornamaĵo konsistas el ringo de sankta pajloŝnuro kaj kelkaj bonaŭguraĵoj. Origine ĝi estis sanktaĵo por eviti malbonaj spiritoj. Do, antaŭe ĝi konsistis nur el sanktaj pajloŝnuroj kaj sanktaj folioj.
Novjara saluto 2007
Venis la nova jaro 2007. Mi deziras al ĉiuj feliĉan kaj prosperan novjaron.
2007 estas la jaro de apro, kiu impetas temerare. La karto montras apron kaj mian amatan katon Bii, kiuj festas la novan jaron per toso (= sakeo spicita per kuracaj plantoj).
Ĉe la komenco de la nova jaro mi decidu, ke nunjare mi dediĉos pli multe da tempo kaj energio al la laboro por Esperanto, ol ĝisnunaj jaroj.
Afrikaj plantoj kontraŭ aidoso
Laŭ iu japana ĵurnalo medicinista teamo de Tohoku-universitato konstatis, ke ekstraktoj el du afrikaj plantoj havas aktivecon kontraŭ HIV (Homa Imuno-deficita Viruso). Tiuj plantoj estas Combretum molle el kombretacoj kaj Peltophorum africanum el fabacoj.
La teamo raportis, ke homaj ĉeloj ordinare infektiĝas per HIV en 24 horoj post aldono de HIV-buljono. Sed homaj ĉeloj kun ekstrakto de la plantoj ne infektiĝis per HIV. Ili nun planas analizi aktivajn ingrediencojn de la ekstraktoj kaj elfari kontraŭvirusan medikamenton.
Kata saĝo
Mia amata kato Bii havas saĝon kompreni tion, pro kia faro li estis riproĉita. Li havas ankaŭ nepremeblan emon fari tion, kion li volas. Tial, kiam li volas grati murpaperon aŭ seĝon, li unue ŝtelrigardas min, rapide gratas kaj skoldite tuj forkuras.
Li ne havas saĝon eviti tion, pro kio li estos riproĉita.
Provo pri emfazo de fontoteksto
Tio ĉi estas provo emfazi fontotekston de programlingvoj. Mi uzis la kromprogramon “php-highlightstring”.
[code lang=”javascript”]
function kunfleksiu(t) {
myRE = new RegExp(“^(\S+[uao]) (\S+[ao])$”, “i”);
var paro = t.match(myRE);
if (paro) {
t = ‘”‘ + t + ‘”|”‘ + RegExp.$1 + ‘j ‘ + RegExp.$2 +’j”|”‘;
t = t + RegExp.$1 + ‘n ‘ + RegExp.$2 +’n”|”‘;
t = t + RegExp.$1 + ‘jn ‘ + RegExp.$2 +’jn”‘;
}
return t.replace(/^s+|s+$/g, “”);
}
[/code]
Pri ĉi tiu Javaskripto legu la afiŝon “Mia programeto”.
Provo de alŝuto
Jen, tio ĉi estas provo alŝuti bildon kun miniaturo.
Varmfontaj gastejoj staras ambaŭflanke de la rivereto en valo.