kato ronronas
jam sur miaj genuoj —
vintra komenco
Kiam mia amata Bii kuŝas sur miaj genuoj, mi sentas komfortan varmon.
Aŭtoro: Vastalto
Kampa krizantemo pli ruĝa
Antaŭ semajno mi skribis la artikolon pri blanka kampa krizantemo, kiu ruĝiĝas en mia ĝardeneto.
Jen la krizantemo, kiun mi fotis hodiaŭ post ok tagoj. Ĝi estas ja evidente pli ruĝa ol antaŭe.
Ĉu oni povas klarigi la fenomenon?
Hajko de hodiaŭ
spikumas korvoj
silente sen kverelo —
falĉita kampo
Mi veturas preter falĉitaj rizkampoj en ĉiu tago. Fojfoje mi vidas aron da korvoj.
Hajko de hodiaŭ
nenio ardas
pro senvarma sunlumo —
miskantospikoj
Vintro jam estas ĉe la sojlo.
Miskanto estas genro [Miscanthus] el poacoj, plurjara herbo ordinara en japanaj kampoj. Ĝi havas spikojn kun arĝent-blankaj haretoj en aŭtuno.
Kromprogrameto
Mi forgesis alŝuti unu kromprogrameton. Nun mi jam alŝutis ĝin kaj de nun rekonstruos la blogon. Kio okazos?
Promocio de la blog-programo 2
Nun mi finis la promocion de Movable Type al la eldono 3.2-ja. Mi faris esperantigon de mesaĝoj nur en kelkaj partoj. Do restos multaj japanlingvaj mesaĝoj en ĝia fasado.
Mi devas daŭrigi prilaboron.
—–
Mia antaŭsupozo maltrafis. La promocia procedo konservis la malnovajn ŝablonojn esperantigitajn. Do prilaborado ne estas necesa.
Promocio de la blog-programo
Tiu ĉi blogo funkcias sur MovableType 3.171-ja ekde sia starto. Nun mi planas kaj preparas por promocio de la blog-programo al la nova eldono 3.2-ja-2. Ĉar oni diras, ke sekureco de la nova eldono kontraŭ spamoj estas pli forta.
Hodiaŭ mi elŝutis la dosieron el la retejo “http://www.sixapart.jp/movabletype/”, kaj guglis kelkajn dokumentojn pri la promocio de Movable Type al la eldono 3.2.
Morgaŭ mi rezervos restaŭrkopiojn de tiu ĉi blogo, kaj provos la promocion. Mi deziras, ke la promocio sukcesos senprobleme.
Flava kampa krizantemo
Apud blankaj kampaj krizantemoj en mia ĝardeneto floras ankaŭ flavaj kampaj krizantemoj.
Laŭ konsultlibro pri floroj, kampa krizantemo ordinare havas blankajn florojn (kapitulojn), sed foje havas flavajn florojn.
Ruĝiĝo malfrua pro Tera varmiĝo
Meteologia Agentejo de Japanio raportis, ke ruĝiĝo de acerfolioj malfruiĝis, averaĝe en la tuta lando, 15 tagojn en la lastaj 51 jaroj.
Ordinare en novembro ni povis ĝui belajn ruĝiĝintajn foliojn de diversaj arboj, sed ĉi-jare ni ankoraŭ ne vidas plenruĝajn arbojn.
La Agentejo asertas, ke la malfruiĝon de la ruĝiĝo influas la varmiĝo de la Tero.
Estis malvarme hodiaŭ
La minimuma temperaturo de hodiaŭa mateno estis 7,4 gradoj celsiaj. Kaj la maksimuma temperaturo estis 15 gradoj celsiaj.
Estis malvarme hodiaŭ. Sed estos pli malvarme morgaŭ. Meteologia observatorio prognozas, ke morgaŭa maksimuma temperaturo estos 13 gradoj celsiaj.
Ja vintro alproksimiĝas paŝon post paŝo.