Ĝis hodiaŭ mi sciis, ke “korpuso” estas subdivido de armeo. Tamen konsultinte la novan PIV-on, mi eksciis, ke “korpuso” ankaŭ estas “kolekto de eldiroj aŭ tekstoj uzendaj por lingvosciencaj analizoj”.
Do, esperanta korpuso ne signifas esperantistan armeon, sed estas esperantlingva tekstaro. Ho, mi estas trankvila.
Vikipedia klarigo pri “korpuso”:
http://eo.wikipedia.org/wiki/Korpuso
Esperanta korpuso troviĝas ĉe “Tekstaro de Esperanto“.
http://www.bertilow.com/tekstaro/
Traserĉante en la interreto esparantajn blogojn, mi trovis multajn stumpojn aŭ ruinojn longe ne ĝisdatigitajn. Tamen mi povis trovi aliajn blogojn interesajn:
§ Beĉjo – La mondo el mia vidpunkto
http://becxjo.blogspot.com/
Interesajn eseetojn verkas irandevena zoroastrano, studento de la scienco (fiziko-kemio), nun loĝanta en Svedio.
§ Blogo de Karesema
http://karesema-blogo.weblogger.terra.com.br/
Tre gaja blogo kun multaj buntaj movbildoj.
§ Blogaro de Ĝangalo
http://www.gxangalo.com/modules/weblog/
La plej aktiva esperanta portalo komencis blog-servon por siaj registritaj uzantoj. Jam oni povas legi diverskolorajn afiŝojn.
Jen mia amata kato Bii rigardas eksteren ĉe fenestro. Tiu ĉi estas foto antaŭ 5 jaroj. Nun li estas 9-jara kaj pli dika.
***
Verdire tiu ĉi estas provo de artikolo kun bildo. Movable Type subtenas alŝuton de bildodosieroj, sed malfacile estas bele dispozicii bildon kun teksto.
*
Traserĉante la interreton per Google, mi trovis dekojn da blogoj skribitaj en esperanto.
§§“Skribitaj Pensoj” de Luis Guillermo RESTREPO RIVAS
http://skribitaj-pensoj.blogspot.com/
Ĉi tie troviĝas diversaj interesaj temoj kaj fotoj.
§§“senvaloran min” de fotono
http://photon.freeshell.org/weblog/
Blogo motorata de Movable Type. Plejparto de sistem-mesaĝoj estas esperantigitaj. Mi vizitadis ĝin por lerni kiel funkcias esperantigita Movable Type.
§§ Taglibro (blogo) de Ken Miner
http://www.sunflower.com/~miner/TAGLIBRO_package/taglibro.html
Kun spritaj rakontoj kaj bildoj tiu ĉi blogo ŝajnas ŝatata de esperantistoj.
Ekzistas du malfacilaĵoj, kiam oni parolas en esperanto pri komputilaj temoj.
1. Nocioj priparolataj estas novaj kaj ne konataj al plimulto.
2. Ne ekzistas aŭ ne disvastiĝas esperanta esprimo por la nocioj.
Por solvi la problemon troviĝas nur unu rimedo. Tio estas, ke oni unue trovu konvenan esprimon, eĉ se ĝi ne estas pli bona, kaj due praktiku ĝin. Ju pli multaj estas dokumentoj en esperanto, des pli certa iĝas la esprimo.
Nu, ekde hieraŭ mi iom post iom modifadas la tekstaranĝan doiseron (angle: stylesheet) de tiu ĉi blogo.
Mi ŝanĝis kolorojn de la fono kaj literoj. kaj pligrandigis literojn, ĉar la antaŭpreparita litergrandeco estis tro malgranda por miaj okuloj.
Daŭrigi legi Modifi tekstaranĝan dosieron
Pro sekureco, por ke iu maliculo ne ŝtellegu la aranĝdosieron “mt.cfg”, oni rekomendas aldoni jenajn liniojn en la dosiero “.htaccess”.
<Files mt.cfg>
deny from all
</Files>
Mi modifis kelkajn erojn en la ŝablono por la ĉefpaĝo (index.html). Sed ankoraŭ restas nemodifitaj eroj.
(1) Kiun ŝablonon mi modifu por montri daton kaj monaton laŭ preferata formo (kompreneble en esperanto) ?
(2) Kio estas “TrackBack”? Kiel diri ĝin en esperanto?
Bonvenaj estas komentoj de blog-progresintoj.
Daŭrigi legi Ŝablonoj de Movable Type
Hodiaŭ estas la tago, kiam antaŭ 60 jaroj atombombo eksplodis sur la urbo Nagasaki, Japanio. Multaj civiluloj estsis mortigitaj pro la atombombo. En tiu ĉi unu jaro mortis 2 748 atombombitoj kaj la nombro de la mortintaj atombombitoj de Nagasaki atingis sume 137 339.
Postvivintoj, jam maljunaj, ankoraŭ suferas kaj elkore deziras la mondon sen nukleaj armiloj.
URL-oj pri la atombombo en Hiroŝima kaj Nagasaki estas:
Hirosima Pacmemora Muzeo
Pacdefenda Artista Asocio Ekspozicias Portretojn de Forpasintaj Hibakŝoj (altikolo el la Verda Kolombo n-ro 113)
Nagasaki en Vikipedio
Hodiaŭ mi instalis la blog-programon “Movavle Type”. Nun la fasado de tiu ĉi blogo montras la japanlinvajn tekstojn. Kvankam mi estas komencanto de la blog-programo, mi volas ŝanĝ iom post iom la japanlingvaĵojn en esperanton.
Tamen antaŭ ĉio mi devas alkutimiĝ al uzado de la blog-programo.
Komentoj de blog-progresintoj estas bonvenaj.
Ordinare artikolo de blogo aperas kun la dato, en kiu oni verkis ĝin. Sed per ia artifiko oni povas afiŝi artikolon kun malvera dato.
Jen tiu ĉi estas pruvo.
Mi verkis tiun ĉi artikolon fakte en la 10-a de aŭgusto. Kaj mia blogo “Akvosfero” debutis sur la interreto nur en la 9-a de aŭgusto, 2005
.