Aŭtoro: Vastalto

    kun certaj paŝoj
    limdato proksimiĝas —
    hejtilo milda

    sur nudaj branĉoj
    nun kelkaj ruĝaj beroj —
    ĉielo bluas

    vintra sunlumo —
    per karnomankaj brakoj
    teni kviete

    sekaj sonoj el
    paĝoj de taggazeto —
    vintra vespero

    arboj en lumo
    viciĝas kun folioj
    varikoloraj

    longa mallonga
    senfara hejmrestado
    pro malvarmumo

    vakaj okuloj
    de argilaj figuroj —
    malvarma vento

    argilfiguroj
    gardas tombomonteton —
    roŭsoj plenruĝaj

*****
roŭso: Rhus succedanea, falfolia arbo el la genro sumakoj el la familio anakardiacoj.

    matennebulo —
    hodiaŭ ekflorintaj
    du ruĝaj floroj

    kato en brakoj —
    dividante la sunon,
    lumon kaj varmon