Aŭtoro: Vastalto

    birdoj al beroj —
    en ĝardenon post pluvo
    patrina moŝto

    cuja komenco —
    hodiaŭ malaperis
    ungotondilo

    folisakuro —
    interparolo temas
    pri kvindek jaroj

    frapas odoro
    apenaŭ rimarkeble —
    blanka lilio

    dolĉa mespilo —
    memoro pri silento
    ombre post domo

*****
dolĉa mespilo: fakte temas pri frukto de japana eriobotrio [Eriobotrya japonica], kiu laŭaspekte similas al mespilo sed kun flava ŝelo kaj dolĉe suka karno.

    griza ĉielo —
    facile kaj senĝene
    hirundo flirtas

    betona muro —
    kun nigraj okuletoj
    lacerto pozas

    ho, gardenio
    plena de floroj blankaj,
    flavaj, flavetaj

    por denteltiro
    al dentisto trans ponto —
    junia pluvo

    komo kaj komo
    kaj ree haltostreko —
    nokto sen punkto