Kategorio: Hajko

    svarmo da korvoj
    okupas la ĉielon —
    vintra vespero

    plasta tubeto
    staranta el la nazo —
    monat’ sen dioj

    varmo en vintro —
    vivi kiel unu en
    atendolisto

    premi la manon
    senkarnan por dividi
    ja vivovolon

    feliĉo daŭras
    dum silenta maĉado —
    varma baŭzio

***
baŭzio (aŭ baŭzo): fermentinta pastobulo el faruno, farĉita per kuiraĵo de haketitaj porkoviando, cepo kaj aliaj. Tradicia ĉina manĝaĵo disvastiĝinta en Orienta Azio.

    diversaj flavoj
    kaj diversegaj brunoj —
    folioj svarmas

    vintra rivero
    kviete respegulas
    palgrizajn nubojn

    jen gipsaj nuboj
    tenere alkroĉiĝas —
    frosta aero

    korpopesilo —
    kroĉi per karnomankaj
    brakoj kaj kruroj

    kvar tagojn mi mortis —
    la operaciito
    maljuna ridas