Kategorio: Hajko

    la vivo estas
    elvivi ĝis la fino —
    monat’ sen dioj

    atendadante
    la morgaŭon necertan —
    monat’ sen dioj

***
“Sendia monato” estas alinomo de novembro en la japana tradicia kalendaro.

    velkiga vento —
    sankteja gvidtabulo
    tekstas malamon

    sur antaŭpordo
    tapiŝo da folioj
    ruĝaj kaj flavaj

    maldiligente
    kaj malstreĉe dum tago —
    aŭtuna pluvo

    kubĉokolado
    faras lin ridetanta —
    eta somero

    malkaŝaj vortoj
    de sobra kuracisto —
    vintro proksimas

    okuloj gape
    ŝajnas vidi nenion —
    aŭtuna fino

    abrupta perdo
    de povo movi membrojn —
    folioj falas

    neniel pompe
    sed ĉie bonodore
    oraj osmantoj