Kategorio: Hajko

    jam finlegitaj
    tri libroj sur littablo —
    aŭtuno frua

*****
Kiel mi antaŭe skribis, jam estas aŭtuno laŭ la japana malnova kalendaro (luna kalendaro).

    perdinte vojon
    sola en homamaso —
    flamanta suno

    cikado falis —
    ne same al hieraŭ
    iras hodiaŭ

    aĉetpreparas
    suŝion kaj saŝimon
    patrina moŝto

    la kormuskolo
    ne emas kuntiriĝi —
    somera tago

    kaj tagojn poste
    kun pli densa purpuro
    farbito floras

    flama ĉielo —
    laŭte nun pacdeklaro
    el Nagasako

    balonpumpilo
    helpas al juna korpo
    kaj ĝin katenas

    ekas aŭtuno —
    aldone al kutimaj,
    pumpaj korbatoj

*****
Laŭ la japana malnova kalendaro (luna kalendaro) hodiaŭ estas la unua tago de aŭtuno.

    melia stumpo
    brutale forhakita —
    Tag’ Hiroŝima

*****
Mi estas ege ŝokita pro tio, ke oni forhakis la melion kaj la sakurojn en la hospitalo proksima de mia domo. Mi tre ŝatis la arbojn dum dekoj da jaroj.