Kategorio: Hajko

    humida varmo —
    trans telefonlineo
    patrina voĉo

    aŭto ŝarĝita
    per libroj kaj vestaĵoj —
    vojo tra verdo

    sur suda vento
    vibre sed senŝancele
    milvaj flugplumoj

    litotableto —
    florvazon kronas buloj
    de hortensio

    pluvas sensone
    sur modesta sanktejo —
    inundas verdo

    birdoj al beroj —
    en ĝardenon post pluvo
    patrina moŝto

    cuja komenco —
    hodiaŭ malaperis
    ungotondilo

    folisakuro —
    interparolo temas
    pri kvindek jaroj

    frapas odoro
    apenaŭ rimarkeble —
    blanka lilio

    dolĉa mespilo —
    memoro pri silento
    ombre post domo

*****
dolĉa mespilo: fakte temas pri frukto de japana eriobotrio [Eriobotrya japonica], kiu laŭaspekte similas al mespilo sed kun flava ŝelo kaj dolĉe suka karno.