Kategorio: Hajko

    fenestron ombras
    nun someraj nubegoj —
    antaŭsilento

    nokto mallonga —
    birddesegna kurteno
    likas je lumo

******
“Mallonga nokto” estas somera sezonvorto.

    kruela suno —
    tuŝiĝas sur la mano
    ripoj de kato

    sur pavimŝtono
    baraktantaj ombroj de
    du makaonoj

——
“Makaono” estas somera sezonvorto en la japana hajko.

    citrona suko —
    pepas poŝtelefono
    sub sveltaj fingroj

    alte kreskantaj
    herboj en la ĝardeno －
    embuskas kato

    matena kanto
    de somera ugviso －
    aleo verdas

    sur kuirejo
    obtuza haketado —
    prosperas cujo

gutinjektado —
punte surkovras korton
erigeronoj

******
Ĉi tie temas pri unujara erigerono [Erigeron annuus].

    elstaras flagre
    vaporo el kaftaso;
    maja fenestro

***
Majo jam pasis. Tamen permesu al mi hajkumi pri majo.