Kanto karmemora

Karmemoran kanton mi aŭskultis en la hieraŭa esperanta elsendo de Radio Plonia. Ĝi estis kanto de Ramona van Dalsem, kiun mi aŭskultis antaŭ multaj jaroj. Mi memoras la melodion kaj kelkajn frazerojn, sed ne la titolon.
La hieraŭa kanto estis en nova aranĝo, kiu tre plaĉis al mi. Mi sentis maturiĝon de esperantista muzikarto.

Granda Sumoo

Hodiaŭ estis la lasta tago de la januara turniro de Granda Sumoo. En ĉi tiu turniro ĉampionecon akiris la jokozuno Asaŝoorjuu (laŭvorta traduko: Matena Blua Drako), kiu devenas de Mongolio. Tiu ĉi estas lia 20-a plejalta ĉampioneco, kio estas kolosa rekordo atingita de nur 4 sumoistoj antaŭ li.

sumoo: japana lukto. [Vikipedio: Sumoo]
jokozuno: titolo de la plej altranga sumoisto. [Vikipedio: Jokozuno]

Kroniko Japana en la ĉina lingvo

Kroniko Japana (Nihonŝoki) estas la plej malnova historia libro de Japanio. Laŭ ordono de tiama Mikado, la princo Toneri finkompilis ĝin en la jaro 720. Ĝi traktas la historion de sinsekvaj mikadoj ekde la mitologia epoko ĝis la 7-a jarcento.
La Kroniko originale estis skribita en la ĉina lingvo kun japaneca parolturno. Ĝi estis malfacla al multaj japanoj por kompreni. Tial, tiutempe en la kortego, oni plurfoje okazigis leg-kunvenojn, en kiuj doktoroj prelegis pri la Kroniko de la komenco ĝis la fino.

Jen, poŝvarmigilo

poŝvarmigiloPoŝvarmigilo estas mane portebla aĵo, kiu eligas varmon dum kelkaj horoj. La fotita poŝvarmigilo havas dimension je 10 cm x 7 cm kun dikeco je ĉ. 5 mm. Laŭ klariga skribaĵo sur la pakaĵo, ĝia temperaturo estas averaĝe 50 gradoj dum 10 horoj.

En tre malvarmaj tagoj mi gluas ĝin sur dorso de la ĉemizo. Tiel mi povas komforte labori en malbone hejtata ĉambro.

Kiel promocii?

Mi jam skribis, ke mi renovigis mian blogon per WordPress 2.0.5, kiun esperantigis Bertilo Wennergren.
Nun oni anoncas, ke la nova versio 2.0.7 jam liveriĝis, kaj ke la promocio al la nova versio estas forte rekomendita pro sekureca problemo.
Do mi volas promocii mian WordPress-on, sed kiamaniere? Bertilo ankoraŭ ne liveris la esperantan version de 2.0.7. Povas esti, ke li ne liveros la novan.
Ĉu mi povos instali anglan version de 2.0.7 sur la esperanta versio de 2.0.5?

Mesaĝo el Hiroŝimo por Virina Tago 2007 [Plusendo]

[Plusendaĵo sekvos sube.]
Esperantistoj el Hiroŝimo nun klopodas dissendi la mesaĝon el Hiroŝimo por la Internacia Virina Tago de UN, 2007. Ili ankaŭ alvokas al ĉiuj resendi respondan mesaĝon por la Tago. La limdato estos la 25-a de februaro.

Mi pensas, ke ilia agado estas unika en la nuna situacio de Japanio kaj estas subteninda. Mi petas al legantoj plusendon de la mesaĝo kaj respondan mesaĝon el ekster Japanio.

Jen du ligoj al la pasintjara agado:

— [Komenco de la plusendo] —————————————-
Transsendo al viaj amikinoj petata
por la Internacia Virina Tago de UN, 2007

En la nomo de Komitato por la Virina Tago de UN, 2007, 25 virinaj organizoj de gubernio Hirosima, kaj la municipo Hirosima, sendas solidarecan mesaĝon al vi tutmonde, nur pere de esp-istoj en la mondo. Komisiite de la Komitato same kiel lastaj jaroj, mi petas vian kunlaboron:

Bonvolu sendi al mi vian respondan mesaĝon por la Tago, mi petas, ĉefe pri paco, kaj kiel heredigi pensojn pri viaj spertoj pri milito al sekvanta generacio, lime en A-4a formato, ne per dosiero, sed kiel tekston rete sendi al mi ĝis la 25a, feb. Responda mesaĝo havu noton pri nomo, aĝo, sekso, profesio kaj loĝloko. Ĉiujn respondojn ni presos kaj prezentos en la kunveno de la Tago.
Jen, la mesaĝo de la Komitato:
———————————————————————
Solidareca Mesaĝo el Hirosima por la Internacia Virina Tago 2007

En la nomo de Kunveno por la Interncia Virina Tago 2007 en Hirosima ni sendas al vi ĉiuj elkore amikecan saluton.

En ĉi jaro la 10an de marto ni havos kunvenon por Internacia Virina Tago kun ĉefa temo “Al gefiloj transdonu morgaŭon sen milito”.
En la kunveno ni spektos animacian filmon “Vitra kuniklo”, kaj aŭskultos de originala aŭtoro pensojn por paco. La filmo temas pri 12aĝa knabino vivi perdinte sian familion en milito, tamen esperante kun la japana paca konstitucio, heredigi kordeziron por paco al sekvanta generacio.

La jaro 2007 estas 60a jaro de la Japana Konstitucio.
Ni el mizeraj spertoj sub la milito decidis neniam plu ripeti militon, kaj tenas la Japanan Konstitucion kun la 9a artikolo abosolute paciisma.
Sed, en la mondo daŭras ĉiaj bataloj kaj militoj, kaj en Japanio nun fortiĝas movo renversi la 9an kaj laŭleĝe militi. Gravas heredigi nian sperton el milito al sekvanta generacio, kaj protekti pacan konstitucion, ni pensas.

Ni, virinoj en Hirosima kordeziras kunlabori por paco kaj homaj rajtoj kun virinoj en la mondo. Ni trans muroj de nacieco, religio kaj kulturo kunlaboru man-enmane, reciproke tenu por konstruado de paco en la 21a jarcento.
Bonvolu doni al ni viajn pensojn kiel heredigi porpacan deziron el viaj spertoj pri milito, por ke ni prezentu ĝin en nia kunveno.

S-ino NOBUMASA Tieko, la Reprezentanto de la Komitato por Internacia Virina Tago 2007, kaj Municipo Hirosima.

Kune kun
organizoj de Socia Partopreno de Virinoj/de Japana Virina Konferenco 2007/de Semipalatinsk Projekto/de Lokaj Virinaj Organizoj/de Emerita Sindikato/de Virinaj grupoj de WE-Palaco/de Urba Konsilio de Virinaj Organizoj/de Konsilio de Komerc-Industria Ligo/de Kinema Karavano/de Virina Demokratia Klubo/de Gubernia centro de Asocio de Novjapana Virino/de Savu Irakan Infanon/de Sindikato de Telkomunika Industrio/de Urba Instruista Sindikato/de Medicina Sindikato/de YMCA/de Urba ligo por Bonfarto de Patrinoj/de Gubernia ligo por Bonfarto de Patrinoj/Patrina Asocio por Bonaj Libroj/de Sindikato de Municipa Laboristo/de Sindikato de Urba Oficisto/de Gubernia Ligo de Patrinoj/de Urba Asocio de Patrinoj/filio de Asocio de Novjapana Virino/de Arko de Hiroŝimo.

———————————————————————
Respondan mesaĝon al:s-ino OSIOKA Taeko <rete: osioka(ĉe)mail.goo.ne.jp> [[en la retadreso (ĉe) = @ : noto de la plusendinto]]
— [Fino de la plusendo] ——————————————-