Mi vidis la bildfilmon “la Migra Kastelo de Haŭl (Howl)” de MIJAZAKI Hajao (Miyazaki Hayao), kiun nun oni povas ĝui per DVD (cifereca videodisko).
La heroino Sofi estas 18-jara ĉapelistino. Ŝi hazarde renkontis la junan sorĉiston Haŭl, pro kio ŝi estis transsorĉita en 90-jaran maljunulinon fare de la sorĉistino de la Dezerto. De tiam komenciĝas la sufero kaj aventuro de Sofi.
Tio ĉi estas la dua fojo por mi spekti la filmon. Min impresis la aplomba sinteno kaj la agema energio de la heroino. Mi ŝatas la mondobildon kreitan de MIJAZAKI.