TERAZAŬA Hirotaka [寺沢広高/TERAZAWA Hirotaka] (1563-1633) estis japana daimio de la frua Edo-epoko, la unua sinjoro de la daimiejo Karaco [唐津/Karatu]. Hirotaka unue servis al TOJOTOMI Hidejoŝi [豊臣秀吉/TOYOTOMI Hideyosi] kaj poste al TOKUGAŬA Iejasu [徳川家康/TOKUGAWA Ieyasu]. Li konstruis la kastelon de Karaco kaj plantis pinojn por ŝirmi rizkampojn kontraŭ vento kaj sablo. Nun ni vidas tie tre belan pinan arbaron.
Pro la merito okaze de la Batalo de Sekigahara [関ヶ原/Sekigahara] en 1600, li ricevis aldonan feŭdon de la insularo Amakusa [天草/Amakusa]. Sed post lia morto okazis la Ribelo de Ŝimabara [島原/Simabara] (1637-1638) kaj lia filo Katataka [堅高/Katataka] estis kulpigita je misregado kaj perdis la feŭdon de Amakusa.
Ege interesa! Cetere mi ne sciis signifon de daimio sed lernis ĝin dank’ al Vikipedio. Dankon.