Mi jam instalis sendratan lokan reton (LAN) en mia domo antaŭ kelkaj jaroj. Mi uzas tekkomputilon kaj portas ĝin de ĉambro al ĉambro. Kie ajn kaj kiam ajn mi volas en mia domo, mi povas aliri la interreton. Tio estas ja oportuna kaj komforta.
Sed ekzistas unu ĝena maloportuno. La nuna aparato (sendrata enkursigilo) de la loka reto funkcias laŭ la normo de IEEE802.11g, kiu uzas mikroondon de 2,4 GHz(gigahercoj). Kaj ankaŭ elektrona forno por kurirado uzas la saman mikroondon. Tial, kiam mia edzino komencas prepari manĝon, mia aliro al la interreto estas ofte rompita.
Nun mi planas aldoni al la nuna loka reto novan enkursigilon kun la normo de IEEE802.11a, kiu uzas mikroondon de 5 GHz. Kompreneble la nova aparato konektiĝos per drato al la modemo. Tiam mi povos aliri la interreton senĝene pri la elektrona forno.
provu fon.com kaj esperantigu la interreton 😉
Tio estas interesa ideo. Sed mi pensas, ke ĝi havas kelkajn solvendajn problemojn: sekureco de la reto, kontrakto kun retservisto, nombro de alirejoj, ktp.