Kroniko Japana (Nihonŝoki) estas la plej malnova historia libro de Japanio. Laŭ ordono de tiama Mikado, la princo Toneri finkompilis ĝin en la jaro 720. Ĝi traktas la historion de sinsekvaj mikadoj ekde la mitologia epoko ĝis la 7-a jarcento.
La Kroniko originale estis skribita en la ĉina lingvo kun japaneca parolturno. Ĝi estis malfacla al multaj japanoj por kompreni. Tial, tiutempe en la kortego, oni plurfoje okazigis leg-kunvenojn, en kiuj doktoroj prelegis pri la Kroniko de la komenco ĝis la fino.