Daŭras malvarmaj tagoj. Sed certe venis printempo. Antaŭ la domo de la dentokuracisto, kiun mi vizitadas, troviĝas rizkampo, kie nun elkreskas diversaj kampaj herboj.
Jen estas amaso de paŝtista kapselo. Ĝi estas unu el la sep printempaj herboj, kiuj anoncas alvenon de printempo. Nome, enanto [Oenanthe javanica], (paŝtista) kapselo, gnafalio [Gnaphalium affine], stelario [Stellaria media aŭ Stellaria neglecta], lapsano [Lapsana apogonoides], rapo kaj rafano.