Mia amata kato Bii ŝatas englitiĝi en malvastan kavon aŭ truon.
En nia familia ĉambro kuŝas malalta ŝranko kun vitraj pordoj, sur kiu sidas televidilo. En la ŝranko ni metas videobendilon, DVD-ludilon kaj kelkajn ornamajn katpupojn.
Hodiaŭ mia amata Bii enŝteliĝis en la ŝrankon kaj kuŝis apud la pupetoj. Mi kaj mia edzino ridis kaj diris, ke li estas tro granda ornamaĵo por la ŝranko.